Monday, December 14, 2009

مي و كهربا

والله الفلوس آخر همي!! و انا بني آدم مصرفجي!! يعني للأسف القرش ما إله قيمة عندي!
أنا صارلي تقريبا شهرين في الإمارات!! أول ما إجيت الشركة امنتلي سكن مؤقت مع واحد و بلغته الشركة انه انا ضيف مؤقت عنده لحد ما يستأجرولي سكن و يفرشوه!! و بلغته الشركة انه في هالشهر اي فاتورة ماء او كهربا الشركة رح بتدفع النص!!


خلص الشهر و خلصت الفيزا و صار لازم ارجع عالأردن عشان أعدل وضعي و أرجع بفيزا عمل!!
خلال هالشهر الزلمة كان عم بحضر حاله انو يجيب مرته و ولاده عنده!!
و قرر انه اليوم اللي انا بسافر فيه بعدها في يوم هم ييجو!
تعركست معو الأمور و ما قدر يحجز لأنه السعر اللي حصله غالي!!
ساعدته و جبتله سعر منيح!!
و تعركست معو الأمور مش عارف كيف بده يبعت الفيزا  لأهله في الأردن لضيق الوقت!!
حكيتله انا باخدهم معي و بعطيهم لأهلك بس اوصل الأردن!!
تاني يوم رحت عالمطار و للأسف راحت علي الطيارة عشان الأزمة اللي صارت الصبح عالطريق!! طريق مدتها 20 دقيقة اخدت ساعة و نص!! و بصراحة الفلوس اللي كانت معي كانت محسوبة و يادوب تكفيني بما نه في عيد و عيديات و اصحاب و طلعات و مش عارف شو!!
اتصلت فيه و حكيتله انه تعال خد الفيزا عشان رح تتأخر علي الطيارة و ما بعرف شو رح يصير معي و ما رح اطلع من المطار إلا على الطيارة!!
حكالي في خدمة الفيزا بالمطار حط الفيزا هناك و هم بس ييجو بلاقوها عندهم و قد ما يكلف ببعتلك حوالة عالأردن!!
و انا بصراحة الفلوس على قدي كانت.. حكيتله ماشي!! و كلفوني مبلغ محترم!! مش كتير محترم بس انه محترم نسبيا!!
و ضلليت في المطار لتاني يوم عشان ما تروح علي الطيارة من الأزمة !! حرمت !
و  وصلت الأردن و بالمسا حكيت معو عشان احكيله انو لا تبعت شي انت ولادك بدهم مصاريف هلأ بلا ما ازنقك!!
الحمد لله كفوني اللي كانوا معي و زاد!!
و رجعت على الإمارات و أنا نسيت الموضوع!!
امبارح بناديني و بحكيلي بدك مني فلوس و انا دفعت كهربا و مي بطلعلك من المبلغ اللي دفعته هالقد!!
اطلعت فيه و حكيتله انا مسامحك!! ولا احكيلك مش مسامحك هاتهم!!


المبدأ مش مبدأ فلوس!! يا ريت تكونوا فهمتوا النقطة اللي بدي اوصلها! لأنه جد انسم بدني و قررت ما أخدم حد مع انه الف مرة قررت هالقرار و برجع بنسى اني قررت!!


و أنا مش عارف ليش عم بكتب في هيك شي! بس والله انو مقهور و مرة تانية مش عالفلوس!!  لأنه الشركة سألته عن الفواتير و عرفت انو انا دفعت و رجعلولي المبلغ!! بس والله مقهور!


سلام!




6 comments:

  1. جد جد اشي بقهر

    بكره العالم اللي زي هيك..يعني هيك حكيتها- وانا متأكده انك ما راح تعملها- انك ما راح تخدم حد

    يعني لو ناس جد بطلو يخدمو العالم علشان هالعالم هدول مأسااااااه بصراحه

    انساه واحتسب اجرك عند رب العالمين بانك فكيت كربه بوقتها

    ReplyDelete
  2. صح شي بقهر؟! يعني معي حق انقهر صح Whisper؟
    و اللي قهري بزيادة أنه الشركة طلبت مني اطلب منه الفواتير عشان ترجعلي الفلوس - إنه نوع من الإحراج إله- و رحت سألته عنهم و حكيتله عشان بدهم يرجعولي اللي دفعته حكالي انا بعطيك فلوسك و بس اتزكر وين حطيتهم بجبلك اياهم و بنتحاسب!!
    قهرني بزياده!

    والنعم بالله بس و الله من قهري كتبت و عشان الواحد يكون حريص لما يفكر يخدم العالم بس
    و شكرا انك فهمتي قصدي:)

    ReplyDelete
  3. Ahmad ..
    Tawwel balak tawwel balak ..
    am getting ur point its not a matter of money its a matter of MANNERS !! bs ma feek kol ma te3mel 5er tetwaqa3 muqabel .. msh kol el nas feek te3mal m3ha hal mbda2 !!
    5aleeha 3 alla :)

    ReplyDelete
  4. Farah

    Thank you for understanding me:))
    yeah akeed elle beddo ye3mal 5air ma bestanna moqabel o ana ma stannet ay moqabel dear..
    o 7atta ma talabt moqabel wala r7 batlob!
    bs engahrt men elle sar..:(

    ReplyDelete
  5. as they keep saying :
    اعمل خير و ارمي بالبحر

    i liked what i read......i am following this blog.

    ReplyDelete
  6. Dr. mohammad im happy to see ur comment here in my blog...
    i always read ur comments in other blogs and always like wat u wrote :))
    u really made my day:))
    Thanx For Following and For Passing By:D

    ReplyDelete