Sunday, September 12, 2010

في المطار



الشرطي: ممنوع!!
أنا: شو الممنوع؟
الشرطي: إنك تسافر! الشباب اللي تحت سن الـ40 مسموحلهم يسافر سياحة بس!! و انت من جواز سفرك واضح إنك مقيم في الخارج!
أنا: و شغلي؟!
الشرطي: ما بتابع أخبار إنت؟
أنا: لأ كلها بتسم البدن، ليش أتابعها؟
الشرطي: ولا بتقرأ جرايد؟
أنا: ما حكينالك إنه الأخبار بتسم البدن!! و ما بتابعها و لا بقرأها!
الشرطي: الحكومة أعلنت إنها رح توفر وظائف لكل الشباب!!
أنا: بـ250 دينار؟!
الشرطي: شكلك جد ما بتابع أخبار!!
أنا: ليش عم أمزح معك؟
الشرطي: أقل راتب 1000 دينار و هاد للي ما عنده خبرة!
أنا(مندهش و مزبهل و مش مصدق): معقول؟!!!!
الشرطي: هاد غير إنه متزوج أو عزابي! الحكومة قررت إنها تقدم مساعدات لكل المقبلين عالزواج!! و اللي متزوجين إلهم رواتب غير!
أنا(لسه مندهش و مزبهل و مش مصدق و مصدوم): و اللي عنده خبره؟!
الشرطي: حسب الخبرة, فممنوع!!
أنا: ممنوع ممنوع:)

أحمد؟؟! بعدك نايم؟! يالله إصحى!
طبعا هاد حلم يقظه!!
معقول يصير عنا هيك بالأردن!
أخ بس!!
يا ريت!

Thursday, September 9, 2010

سموك مسحر؟ خلص رمضان



تقبل الله طاعاتكم كل عام و انتم بألف خير و عيد سعيد للجميع:)
ينعاد رمضان عليكم بالخير و الصحة و السلامة.. شهر العبادات و الكفر تشارج و الشحدة!!
مع التفنن بأساليب الشحدة في الأردن بس اسلوب هالشحدة "مغصني"!!
إنه واحد يمتهن مهنة مش مهنته لمجرد الشحدة بس!!
زي.. يرن جرس البيت، تفتح الباب، أنا مسحراتي الحارة!!
كل سنة بسمع صوت طبلته إلا هالسنة، فش مسحراتي عنا بحارتنا!! شكله اعتزل أو ما وفت معه القصة!
المهم إني ما سمعت صوت الطبلة نهائيا!!.. دج خبطت الباب!!
فش شوي ولا برن الجرس!! فتحت الباب!!.. شاب طول بعرض.. لابس برتقالي.. كل عام وانت بخير أنا زبال الحارة!!
شكيت في الموضوع،، ناديت إمي.. ماما تعي إحكيلي اللي عالباب هاد عامل النظافة اللي بحارتنا ولا لأ!!،، إمي حكتلي لأ.. مو هاد هو!! هاد أول مرة بشوفه!! دج خبطت الباب!!
يا جماعة والله إحنا مش هبل!!
بكفي حرمنه!! هاي اسمها سرقة عالمكشوف!! و نصب!!
الله يستر من اللي جاي!!
الله بعين!!

Wednesday, September 8, 2010

خواطر

خواطرها حلوة.. و بتستاهل انه عالأقل نقرأها.. فش داعي نحفظها هههههههه ..
اتذكرت ايام المدرسة.. احفظ خمس ابيات من القصيدة اذا مش كلها:)
طبعا من باب الصدفة انه اسم عيلتها زي اسم عيلتي.. و هاد شي بشرفها.. قصدي بشرفني P:

أُقدم لكم الكاتبة


أتمنى أنه يعجبكم شي من كتاباتها

و دمتم

Tuesday, September 7, 2010

Cover Charge


أولا رمضان كريم و كل عام و كل عيد و انتوا بخير:)
العطلة جميلة جدا!! و الأجمل النوم اللي عم انامه.. طول النهار نايم و طول الليل صاحي!! كافي خيري شري!!
طبعا انا من الناس اللي بستشروا(بصير شرير يعني) و هما صايمين..!! حاولت انه ما استشر!! ما زبطت معي!! اكيد ما بحمل الناس جميلة اني صايم!! و جربت صمت 10 ايام و مسكت حالي قد ما اقدر!! الا ولكن فشلت !! عشان هيك قررت آخذ اجازتي قبل موعدها و اجي اصوم بالأردن!! فبنام طول النهار!! بصحى اصلي و برجع انام !! سواء نمت او ما نمت!! المهم اني عازل حالي عن الناس!!

طبعا بعد الفطور "تدريجيا" برجع للوضع الطبيعي!!
بطلع مع صحابي بقعد في كوفي شوب!! بندفع ضريبة المبيعات و الكفر تشارج و بدل الخدمه و بنرَوِّح!!!
كل شي حلو و بجنن إلا هالكفر تشارج و الضريبه و بدل الخدمة!!
فش مجال يضيفوا الضرايب تاعتهم عالسعر؟!! و يصير السعر اللي عال(menu) هو الي يندفع بس؟!!
طيب ضريبة المبيعات و امنا بالله و بدل الخدمة ماشي!! و الكفر تشارج اللي طالعينلي فيه برمضان لشو بالزبط؟!! انه ليس يعني!؟!؟!
حد علمي انه هالقصص بس موجوده عنا بالأردن!!
الله أعلم!!

Tuesday, June 29, 2010

أبطال!!





ظاهرة الخيانة الزوجية صارت علنية و بكل وقاحة!!
حجة الرجل انه الخيانة بطبعه!!
لو الزوجة خانت زوجها شو موقف الرجل؟؟؟؟؟
رح يسامحها؟ لأنه هو اللي بدا بالخيانة ولا شو بالزبط؟!

لما تسافر الزوجة في الصيف من دولة خليجة مليانة ملل و امم و جنسيات اجازة الصيف عند اهلها و تترك زوجها لحاله,, بتدأ الخيانات!! و برجع الزوج أعزب!! و بنات طالعين و بنات داخلين!! للي بحبوا يشكلوا و يلونوا!!
و منهم ملتزم مع صديقة وحدة!!
بالنهاية الخيانة خيانة سواء مع وحدة او مع عشرطعش!!
الحجة!! بس تتزوج بتعرف ليش بنخون!! حجة اللي ما اله حجة!! يا سيدي بديش اعرف!! انت بنظري رجل في محيطتك اما في محيطتي فأنت عبارة عن كلب مسعور!!

يا جماعة كما تدين تدان!! في زوجتك و في بناتك و في خواتك!..

اللي بقهرني التفاخر بالخيانة!! و التحدث فيها و اعتبرها عمل بطولي!!

شي بخزي!!

Monday, June 28, 2010

مجنون؟





طبعا صارلي فترة كل حياتي عبارة عن :

Frames.. Shutters.. Vanities.. Fingerprint System.. CCTV.. Accident And Fines!!
الرابط العجيب بينهم اللي هو أنا!! كيف و ليش ما بعرف!!
و كمان شي انه صارلي فترة كل يوم عم "أتأسفن" يعني أكل اسفين و بالأنجليزي "Fisher" :)
شو القصة مو عارف!!
اللي بعرفه و متأكد منه اني مش بقصر غير بحق حالي!! ما عم ارتاح نهائيا!!..
بس اللي اكتشفته انه الناس ما بتحب "الصح" بتحب انك تغلط زيها!!
كلنا بنغلط!! و اكيد انا بغلط!! بس بحب انفرد بالغلطه اللي بغلطها!! ما تكون زي غلطاتهم!!
الشي اللي ما حدا "كان" يعرفه عني انه شخصيتي انا اللي بتحكم كيف تكون!!
و انا بعطيك شو ما بدك و بكيفي!! و باخد منك شو ما بدي و بكيفي كمان!!..
احيانا بحس حالي لئيم بشكل لا يوصف!! و أحيانا بحس حالي أطيب واحد في الدنيا!!
بحس انه في شي خارج عن نطاقي بتحكم في شخصيتي و عن نطاقكم انتوا كمان!!
هاد الشي هو انا اللي مش انا!! هيك طلع معي بالآخر!!
ما في حدا فيكم اجاه هيك احساس؟!
معقول صارلي 29 سنة مجنون و انا مش عارف!!؟؟!

Wednesday, June 23, 2010

5 Things About Me

بناء على الـTag اللي عملته فرح بطارنة و بعتذر عن تأخيري يا فرح في عمل الواجب.. بس صارلي فترة ما عم افضى و صار اغلب شغلي ميداني .. المطلوب مني حسب ما فهمت انه اكتب 5 اشياء عن حالي...

1. صريح جدا.. و ما بعرف اخبي!! يعني اذا زعلت من حدا مثلا بروح بعاتبه!!
2. بعشق الهدوء.. و الوحدة.. أغلب الوقت بمضيه لحالي..
3. بكره حد يؤمرني شو اعمل!!..
4. مزاجي جدا..
5. صعب اني انفهم!! حتى انا مش فاهم انا:)

Tuesday, May 11, 2010

Crime - Epsido 2

القصة ملخبطة!!
الجريدة بتحكي انه "حدث يقتل اخاه الثلاثيني من أجل 7 دنانير"
و الناس بحكو انه كان المجني عليه "ي.ب" بضرب امه و رابط الحدث بجنزير!!
و بحكوا انهم لما جابوا الولد يمثل الجريمة كان بضحك!! و بحكوا انه قتل اخوه بطريقة انتقامية!!
ضربه فإيده و بضهره و برقبته و بعدها طعنه عدة طعنات!! و نزل عالشارع و قعد يصيح " قتلت اخوي" بطريقة هستيرية!!
الأم بتحكي انه يومها ضربها ضرب مبرح!!
كيف بهون عليه يرد على كلمة منها مش يضربها!!
الله اعلم شو السبب!!
بس انه الموضوع لحد الآن ما عم يفوت براسي!! سواء ضرب الأم او السبع دنانير!!!

Monday, May 10, 2010

Crime


اللي بتذكره انه كنا صحاب طفولة!! و انهم جيرانا من اكتر من 18 سنة...!
و بتذكر انه كان اطول شب في الجاردنز!! اطول واحد فينا كأولاد صغار!!
و كان في مدرستي كمان..
و فعلا انصدمت لما سمعت الخبر!!
ما عرفت اتخيل الموقف!!
انه كيف اخ بيقتل اخوه مع سبق الإصرار و الترصد!
شب عمره 15 سنة بقتل شب عمره 30 سنة و بسلم حاله للشرطة!! و هو في الطريق صايبته حالة هستيرية!! و بحكي للناس " انا قتلت اخوي" و هو كله دم!!!
انه كيف الأخ بهون عليه يجرح اخوه!! مش يقتله!!
اي مصلحة و اي سبب اللي بخللي شب في بدايات البدايات يقتل اخوه!!
جرح في الأيد و بعده طعن في الظهر و بعدها طعن في الرقبة!!
أي سبب في الدنيا ما رح يكون مبرر مقنع لهيك جريمة!!

Sunday, April 18, 2010

حرمان و سرقة

تعقدت من شي اسمه "سرقة" لدرجة انه صرت اشك في حالي ( ما حد يصدق) بس انه في اقل من سنة!!
يمكن جد بمشي و أنا نايم :)

يومها كنت عايف حالي من الزهق و اتصلت في واحد من اللي ساكنين معي (نفترض اسمه م) ( احنا 5 ) و سألته وينك و حكالي انه في دبي!! حكيتله اوكي هيني جاي!!
كنت مروح من المصنع للبيت بس يومها كان مزاجي معكر!!
سألت الشب اللي معي(ر) انه يروح معي حكالي لأ بدي اروح!! هو ساكن معي!! و هو السبب في اللي صار!!
روحته و كملت طريقي الى دبي!!
و لما وصلت دبي اتصلت في (م) و رد علي (ح) .. حكالي احنا في النادي!! و وصلت النادي و كان (م) لسه بتدرب!! أخدت (ح) و رحت اشتري "بطاقة سالك" بما انه السيارة لسة جديدة - الله يبارك فيكم و أحسن ما أتخالف اذا مريت من شارع فيه بوابة سالك!! و رجعنا (م) نشوفه خلص أو لا!!
المهم.. انا ميت جوع!! و اختلفنا شو ناكل!! ما شاء الله علينا على كل شي مختلفين!! حكتلهم روحوا روحوا انا بدي اروح على بيت عمي!!
مرة عمي الله يخليلنا ايها كانت طابخة ملوخية!! و انا صارلي قرن مش ماكلها:(( أكلت و عبيت بطني و روحت!! و وصلت البيت!! و لقيتهم كلهم قاعدين و الساعة 10:00 المسا!!
على ال 10:30 قام (ر) فجأة و نام!! و بعدها بساعة لحقه (ح) و بعدها بربع ساعة لحقه (إ) و بعدها بساعتين نمت انا و (م) .. انا و (م) بغرفة و التلاتة (ر،ح و إ) بغرفة!! طبعا بالعادة انا آخر واحد بنام!!
بأمن البيت و بسكر الباب و بنام!!
على فكرة.. أنا نومي خفيف!
تاني يوم الصبح صحيت على ضجة الشباب!! صحيت معصب!! و قايم اهاوش!! فش مجال!!
و صرت اصيح ب (ر) لأنه الوحيد اللي كان في وجهي (ح و إ) كانوا متسهلين!! و رجعوا!! انا دوامي على ال8 و هم كلهم عال7!!
طلع الأخ (ر) معطينه عهدة ب 90000 درهم و صاحي و مو ملاقيهم!! و صاحيين ملاقيين باب البيت مفتوح و التلفزيون شغال!!
شكلة الحرامي رايق !! قعد شوي عالتلفزيون!! و سرق و ساب الباب مفتوح و طلع!!
المدير المالي سافر بنفس اليوم!! و هاي عهدة عشان ما ننقطع ماديا في الشغل!! و المدير العام مسافر بقبل يومين!!
بحكي (ح) انه (ر) حاكيله انه مو عارف ينام عشن معه فلوس!!
يعني (ح) هو الوحيد اللي بعرف!!
و بعد التفتيش و التنقيب و ما لقينا شي!! قرر (ر) انه يروح يبلغ بالمغفر!! رحنا احنا الخمسة على المغفر!!
سأله الرطي بمين بتشك!! حكاله فيهم كلهم!!!
انه فينا كلنا!! شو هالورطة!!
حكاله الشرطي اذا بدك تشتكي روح افتح قضية و احسب حسابك الأربعة بنحجزوا عنا للأحد!! كان يومها خميس!!
و اذا ما بين معنا الحرامي الأربعة بتسفروا و بنعمللهم حرمان !!
تخيلوا ارجع عالأردن بقضية سرقة!! 2000 دينار!! يا مصيبتي!!
منيح اللي ما فتح قضية!!
الله ستر!
طبعا (ر) على وجه جيزة!! و مفلس و مديون و حاجز صالة بشهر 7 و ما معه شي من اجارها!! و اكتر من مرة فكر يقدم استقالته!!
سلامة فهمكم!!
احلى شي بسأله بمين بتشك!؟ بحكيلي في (إ) مع انه ليلتها كان جاي من الأردن و مودع زوجته و بناته الصغار و أمه اللي ما صارلها يومين طالعه من عملية قلب مفتوح و اللي هو أصلا نزل عشانها!!!

Sunday, March 21, 2010

سأسميك كل شيء



’’لن أسميكِ امرأة، سأسميك كل شيء‘‘
                                              محمود درويش
نعم كل شيء!
و أحن اليك حنينا يحرقني!!
و أشتاق اليك شوقا لم يشهد العشاق له مثيل!!
أمي:
سامحيني أن لم أستطع أن أرد لك حنانك على الأقل!! و كل شيء!!
كم أنا مشتاق اليك يا أماه!!


Wednesday, March 17, 2010

من و أنا صغير






بعد ما قرأت موضوع كنيس الخراب للمدون شعرواي حبيت أتفلسف شوي :)


نتذكر اسباب الأنتفاضات اللي صارت بالزمنات!! كلها سببها واحد (المسجد الأقصى)!


و من و أنا صغير و أنا عم بسمع بقصة هدم المسجد الأقصى و من و أنا صغير كل ما اسمع بهالقصة بحكي كيف يهدوه؟ و المسلمين وين؟ العرب وين طيب؟ و الفلسطينية وين؟!


صرت كل ما أكبر شوي استثني ناس!


يعني صرت احكي شو يهدوا المسجد الأقصى؟! العرب وين و الفلسطينية وين؟


و هلأ صفت شو يهدوا المسجد الأقصى؟ الفلسطينية وين؟!!


و لحد هاللحظة و أنا بحكي شو يهدوا المسجد الأقصى؟! الفلسطينية وين؟!


فكركم مطول و أنا أحكي هيك؟! أنه الفلسطينية وين؟!! ان شاء الله بطول!!


القصة واضحة!!


اليهود أذكى من انهم يلهونا!! اليهود من أول ما احتلوا القدس و هدوا باب المغاربة و سموا حائط البراق بحائط المبكى ناويين يهدوا المسجد الأقصى! و وجهوا الأعلام ليذكرنا دايما بهالشي عشان يصير موضوع هدم المسجد الأقصى شي طبيعي و عادي! كل يوم هدم المسجد الأقصى من 62 سنة رح يصير عندك مناعة و رح تأخد الموضوع عادي!!


زي ما احنا شايفين !! إذا صارت فوتتهم و رقصهم و تدنيسهم للمسجد الأقصى شي عادي! ما رح يصير هدمه شي عادي؟!!


أتمنى انه ما يصير شي عادي!!




بالنسبه للتافه اللي عمل صفحة عالفيس بوك مسمي حاله الله فيها.. مو شي جديد!! ما هي فرعون كان عامل حاله الله و غيره و غيره! بس الموضوع انه عم بتزيد التفاهه عنا و عم نعمل ضجة على موضوع تطنيشه هو حله!


يعني ربنا اعطانا الحل! "وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا" و في نفس السورة في آيه اخرى "وَالَّذِينَ لَا يَشْهَدُونَ الزُّورَ وَإِذَا مَرُّوا بِاللَّغْوِ مَرُّوا كِرَامًا"


في أوضح من هيك؟!! ما ظنيت!
 

Sunday, March 14, 2010

مظاهرة نسائية

مظاهرة نسائية في مدينة الخليل 13/3/2010... لكن ماذا حدث؟ دعونا نتابع!!



جد شي مقرف و مخزي وضع هالأمة!! لمتى سنبقى أمة المليار صامت! المليار متخاذل! المليار عربي! المليار متفرج!! ؟!!
الله بيعين!!


Saturday, March 13, 2010

رواية البحث عن امرأة مفقودة - 7

اترككم مع الأجزاء المتبقية للرواية - 18 فصل -

و قراءة ممتعة للجميع :))

بإنتظار تعليقاتكم :))

الفصل الثاني و العشرون

Thursday, March 11, 2010

Thursday, March 4, 2010

رواية البحث عن امرأة مفقودة

رواية رائعة! ليست قصة حب فقط! و انما روايه تجسد حالات المجتمع!
حب و مصائب اخرى..
أترككم مع الفصول الثلاثة الأولى للرواية
الفصل الأول
 الفصل الثاني
الفصل الثالث

و البقية لاحقا

روايات عربية رائعة

أيام زمان كان النهار أطول و كان في مجال للواحد انه يمارس هواياته! أو بالأحرى كان فيه بركة!
بتذكر أيام ما كنت في المدرسة كنت أقرأ روايات و قصص بالتهريب!
كيف يعني بالتهريب؟ يعني كنت لما ادرس افتح الكتاب و أحط الرواية بنص الكتاب و اقرأها! على أساس اني بدرس!!
من أجمل الروايات اللي قرأتها كانت البحث عن امرأة مفقودة للكاتب د. عماد زكي
رواية بتجسد المجتمع العربي و صراع بين الطبقة الغنية و الطبقة المتوسطة!
اللي بدي أقترحه انه انا حابب كل يوم انشر فصل من هالرواية و نقرأه و انقاشه سوا!!
و بعدها بناقش راوية تانيه..
عجبتكم الفكرة؟

Wednesday, March 3, 2010

"موت آخر و أحبك" - محمود درويش

هالقصيدة عجبتني كتير و من زمان كان نفسي انقلها على مدونتي :

-1-

أجدّد يوما مضى، لأحبّك يوما.. و أمضي

و ما كان حبا

لأن ذراعيّ أقصر من جبل لا أراه

و أكمل هذا العناق البدائيّ، أصعد هذا الإله

الصغير

و ما كان يوما

لأن فراش الحقول البعيدة ساعة حائط

و أكمل هذا الرحيل البدائيّ. أصعد هذا الإله

الصغير

و ما كنت سيدة الأرض يوما

لأن الحروب تلامس خصرك سرب حمام

و تنتشرين على موتنا أفقا من سلام

يسد طريقي إلى شفتيك، فأصعد هذا الإله

الصغير

و ما كنت ألعب في الرمل لهوا

لأن الرذاذ يكسرني حين تعلن عيناك

أن الدروب إلى شهداء المدينة مقفرة من يديك

فأصعد هذا الإله الصغير

و ما كان حبا

و ما كان يوما

و ما كنت

و ما كنت

إني أجدد يوما مضى

لأحبك يوما

و أمضي

-2-

سألتك أن تريديني خريفا و نهرا

سألتك أن تعبري النهر وحدي

و تنتشري في الحقول معا

سألتك ألا أكون و ألا تكوني

سألتك أن ترتديني

خريفا

لأذبل فيك، و ننمو معا

سألتك ألا أكون و ألا تكوني

سألتك أن تريديني

نهرا

لأفقد ذاكرتي في الخريف

و نمشي معا

و في كل شيء نكون

يوحدّنا ما يشتّتنا

ليس هذا هو الحبّ

في كل شيء نكون

يجددنا ما يفتّتنا

ليس هذا هو الحبّ

هذا أنا..

أجيئك منك، فكيف أحبك؟

كيف تكونين دهشة عمري؟

و أعرف

أن النساء تخون جميع المحبين الأّالمرايا

و أعرف:

أن التراب يخون جميع المحبين إلاّ البقايا

أجيئك منك انتظارا

و أغرق فيك انتحارا

أجيئك منك انفجارا

و أسقظ فيك شظايا ..

و كيف أقول أحبك ؟

كيف تحاول خمس حواسّ مقابلة المعجزة

و عيناك معجزتان ؟

تكونين نائمة حين يخطفني الموج

عند نهاية صدرك يبتديء البحر

ينقسم الكون هذا المساء إلى إثنين:

أنت و مركبة الأرض.

من أين أجمع صوت الجهات لأصرخ:

إني أحبك

-3-

تكونين حريتي بعد موت جديد

أحبّ

أجدّد موتي

أودّع هذا الزمان و أصعد

عيناك نافذتان على حلم لا يجيء

و في كل حلم أرمّم حلما و أحلم

قالت مريّا: سأهديك غرفة نومي

فقلت: سأهديك زنزانتي يا ماريّا

_لماذا أحبك؟

من أجل طفل يؤجل هجرتنا يا ماريا

_سأهديك خاتم عرسي

سأهديك قيدي و أمسي

_لماذا تحارب؟

من أجل يوم بلا أنبياء

تكونين جندية، تغلقين طريقي، تقولين: ما اسمك؟

أعلن أني أمشط موج البحار بأغنيتي ودمي

كي تكوني مريّا

_إلى أين تذهب؟

أذهب في أول السطر، لا شيء يكتمل الآن

_هل يلعب الشهداء بأضلاعهم كي تعود مريّا؟

تعود. و هم لا يعودون

_هل كنت فيهم

وعدت لأني نصف شهيد

لأني رأيت مريا

_سأهديك غرفة نومي

سأهديك زنزانتي يا مريّا .

-4-

غربيان

إن القبائل تحت ثيابي تهاجر

و الطفل يملأ ثنية ركبتك

الآن أعلن أن ثيابك ليست كفن

غريبان

إن الجبال الجبال الجبال..

غريبان

ما بين يومين يولد يوم جديد لنا

قلنا: وطن

غريبان

إن الرمال الرمال الرمال...

غريبان

و الأرض تعلن زينتها

_أنت زينتها_

و السماء تهاجر تحت يدين

غريبان

إن الشمال الشمال الشمال

غريبان

شعرك سقفي، و كفاك صوتان

أقبّل صوتا

و أسمع صوتا

و حبك سيفي

و عيناك نهران

و الآن أشهد أن حضورك موت

و أن غيابك موتان

و الآن أمشي على خنجر و أغني

فقد عرف الموت أني

أحبك، أني

أجدد يوما مضى

لأحبك يوما

و أمضي..

-5-

سمعت دمي، فاستمعت إليك

و لم تصلي بعد

كان البنفسج لون الرحيل

و كنت أميل مع الشمس _

يا أيّها الممكن المستحيل

و كانت ظلال النخيل تغطي خطانا التي تتكون

منذ الصباح و أمس .

و كنا نميل مع الشمس .

كنت القتيل الذي لا يعود

نسيت الجنازة خلف حدود يديك

سمعت دمي فاستمعت إليك ..

إلى أين أذهب ؟

ليست مفاتيح بيتي معي

ليس بيتي أمامي

و ليس الوراء ورائي

و ليس الأمام أمامي

إلى أين أذهب ؟

إن دمائي تطاردني ،و الحروب تحاربني، و الجهات

تفتشني عن جهاتي

فأذهب في جهة لا تكون

كأنّ يديك على جبهتي لحظتان

أدور أدور

و لا تذهبان

أسير أسير

و لا تأتيان

كأن يديك أبد

آه، من زمن في جسد !

يعرف الموت أني أحبّك

يعرف وقتي

فيحمل صوتي

و يأتيك مثل سعاة البريد

و مثل جباه الضرائب

يفتح نافذة لا تطل على شجر

(قد ذهبت و لم أعرف ).

يعرف الموت أني أحبك..

يستجوب القبلة النصف..

تستقبلين اعترافي..

و تبكين زنبقة ذبلت في الرسالة

ثم تنامين وحدك وحدك وحدك

يشهق موت بعيد

و يبقى بعيد

إلى أين أذهب؟

إن الجداول باقية في عروقي

و إن السنابل تنضج تحت ثيابي

و إنّ المنازل مهجورة في تجاعيد كفي

و إن السلاسل تلتفّ حول دمي

و ليس الأمام أمامي

و ليس الوراء ورائي

كأن يديك المكان الوحيد

كأن يديك بلد

آه من وطن في جسد!

-6-

وصلت إلى الوقت مبتعدا

لم يكون بلدا

كي أقول وصلت

و ما كان_ حين وصلت_ سدى

كي أقول تعبت

و ما كان وقتا لأمضي إليه ..

وصلت إلى الوقت مبتعدا

لم أجد أحدا

غير صورتها في إطار من الماء

مثل جبيني الذي ضاع بيني

و بين رؤاي سدى!

سمعت دمي

فاستمعت إليك

مشيت

لأمشي إليك

و كانت عصافير ملء الهواء

تسير ورائي

و تأكلني _كنت سنبلة _

كنت أحمل ضلعا و أسأل أين بقية

آخر الشهداء

يحاول ثانية

كيف أحمل نهرا بقبضة كفي

و أحمل سيفي

و لا يسقطان

أنا آخر الشهداء

أسجل أنك قدسية في الزمان وضائعة

في المكان

أريد بقية ضلعي

أريد بقية ضلعي

أريد بقية ضلعي