Sunday, February 7, 2010

في ساعات الصباح الباكر!

"يا جبل البعيد,, خلفك حبايبنا,, بتموج متل العيد.. و همك متعبنا"


 الباص فل!! بجوز كان فيه 44 راكب و هو باص ل 22 راكب بس!!
و أنا واقف عند حبيبة اللي على دوار الواحة كالعادة و الساعة 6:10 الصبح.. و بنت الجيران اللي كانت كل يوم تحكي صباح الخير و فجأة بطلت بعرفش ليش!! رايحة جاي بتستنى هالباص ليوصل و يطلعنا!! و الجو برد! و هالبنت الحزينة نشفت من البرد! كل  شوي تمسك الموبايل و ترن على "تحسين" (سواق الباص) : آه تحسين وين وصلت؟! و هو كالعادة "يالله 5دقايق و بصل.. أبو مرعي واقف معاكي؟؟" بسألش عني محبة فيي طبعا! محبة في ال 3 دنانير اللي رح يضمنهم بوجودي.. بما انه طبعا نص البنات طالعين معه في بلاش و غير النسكافيه و الشبس اللي بشتريلهم اياه عالطريق!! أنا أحيانا بطلعلي كاسة نسكافيه بما أني صارلي 4 سنين في خلقته!!
و بوصل الباص مستعجل بده يلحق يوصل جسر مأدبا قبل ما تصحى أول دورية من الدوريات الخارجية عشان ما يدفع مخالفة لأنه مخالف كل شي أصلا!!
"يالله يا فلانه يالله يا ابو مرعي تأخرنا على محاضرة الساعة 8!!" صوت واحد من الشباب اللي بشتغلوا كونترولية على هالصبح برضو عشان ما يدفع هالتلات دنانير!!
بطلع في مكاني اللي كان معهود أول كرسي جنب الباب و بحط راسي و بحاول أكمل نومتي بس للأسف بتزبطش من كتر ما هو صوت فيروز ملعلع في الباص و قر البنات و برم الشباب!! أما اللي ساكتين هدول بكونوا صفنانين في بعض و مش ماخدين على هالوضع يا انهم لسة سنافر أو أعتزلوا عالم السكنات من جديد!!
بتخلص فيروز و بحول السيد "تحسين" على محطة فن اف ام عشان يقرفنا في برنامج بصراحة مع الوكيل!!
و أنا لسة صاحي و مش صاحي!!
و بس نوصل الطريق الصحراوي بصحصح و ببلش انكش مخاتي عاللي بعرفهم في هالباص!! طبعا تقريبا بعرف الأغلبية في هالمكوك الفضائي اللي ماشي قصدي اللي طاير على سرعة 180!! ما أحنا كل يوم في خلقة بعض في الجية و الروحة!! زي طلاب المدارس!!
الله يسهل على هديك الأيام!! كانت من أجمل أيام حياتي!! مع كل سيئاتها!!

أحمد مرعي



6 comments:

  1. زكرتني بايام الجامعه و باصات الجامعه, كنّا باول باص كلنا بنعرف بعض, لكن بالباقي بتختلف الوجوه

    بحكي باول باص لاني كنت اركب 4 باصات كل يوم لاوصل للجامعه :"(

    كانت ايام...الله لا يعيدها :)

    هلأ نرجع للبوست....انا بس افكر بدمر الدنيا وانا هون فكرت :)

    يا ترى في دخل للبنت اللي كانت تستنى معك و بين البوست اللي قبل ؟؟

    ReplyDelete
  2. bellahe 3aleeke ma he a7la ayam ayam el jam3a?
    ana kont atla3 men baab baitna la mutah fe bus wa7ad:P konna mdallaleen hehe

    fe 3alaqa bs el benet 3omre ma fakrt enno a7ke ma3ha aw artbt feha.. bs enno b3rfsh lesh ba6alat etsabbe7!!! bs enno 3adi..
    zaka2ek 5areq.. btw fhmt el comment 3'alat fa radet be tare2a 3'alat.. then shatabt o 3adalt.. b3rfsh eza weslek 3l email aw la2:D

    ReplyDelete
  3. Yeah weselne el 2 comments :D

    wallah ya sadeqee m3 4 buses w 5ososan b3ed lap kan y5alene 2akrah el jam3a w 2ayamha :(

    3omree ma twaqa3et 2enny 2a7ke halshee bs ana b7eb el school, w kul shahar lazm 2agtame3 m3 sa7bat el madraseh, w sa7bat el gam3a bs 3al facebook bashofhom :D

    Belnesbeh lal zaka2 el5areq LOOL faaaa allah ysam3na el2a5bar el6aybeh :D

    ReplyDelete
  4. wala ka2enno ma weslek el awal plz:P

    ana la hadool wla hadool... yemken baynt hal shee been el stoor enno el 3alaqa kanat kolha masla7a eza btesta5deme zaka2ek el 5areq bkteshfe:P

    bel nesbeh lal a5bar el taybeh nesma3 a5barek ente bel awal .. yaaaaa rab :P

    ReplyDelete
  5. احلى شي ايام الجامعة و الله اني كنت مدللة كنت بسكن مقابيل جامعتي اطلع بس من الشباك بشوف بوابة الجامعة بينا بس شارع :)))))
    و كنت امشي ربع ساعة لاوصل لمحاضرتي :p
    عن جد كنت مدللة و انا مو عارفة
    بس الله لا يوريك اذا كان في مظاهرة او انتخابات مع انو لو نفخت علي بوصل لغرفتي بس على مين الامن ممكن يحجزوك للليل و حلها اذا بتحلها

    ايام حلوة و ما رح ترجع

    ReplyDelete
  6. والله أحلى أيام كنت مقضيها شعتلة:)) عمان-كرك-عمان كل يوم:))

    كل يوم بروح ما بيجي متله:))

    ReplyDelete