Wednesday, March 17, 2010

من و أنا صغير






بعد ما قرأت موضوع كنيس الخراب للمدون شعرواي حبيت أتفلسف شوي :)


نتذكر اسباب الأنتفاضات اللي صارت بالزمنات!! كلها سببها واحد (المسجد الأقصى)!


و من و أنا صغير و أنا عم بسمع بقصة هدم المسجد الأقصى و من و أنا صغير كل ما اسمع بهالقصة بحكي كيف يهدوه؟ و المسلمين وين؟ العرب وين طيب؟ و الفلسطينية وين؟!


صرت كل ما أكبر شوي استثني ناس!


يعني صرت احكي شو يهدوا المسجد الأقصى؟! العرب وين و الفلسطينية وين؟


و هلأ صفت شو يهدوا المسجد الأقصى؟ الفلسطينية وين؟!!


و لحد هاللحظة و أنا بحكي شو يهدوا المسجد الأقصى؟! الفلسطينية وين؟!


فكركم مطول و أنا أحكي هيك؟! أنه الفلسطينية وين؟!! ان شاء الله بطول!!


القصة واضحة!!


اليهود أذكى من انهم يلهونا!! اليهود من أول ما احتلوا القدس و هدوا باب المغاربة و سموا حائط البراق بحائط المبكى ناويين يهدوا المسجد الأقصى! و وجهوا الأعلام ليذكرنا دايما بهالشي عشان يصير موضوع هدم المسجد الأقصى شي طبيعي و عادي! كل يوم هدم المسجد الأقصى من 62 سنة رح يصير عندك مناعة و رح تأخد الموضوع عادي!!


زي ما احنا شايفين !! إذا صارت فوتتهم و رقصهم و تدنيسهم للمسجد الأقصى شي عادي! ما رح يصير هدمه شي عادي؟!!


أتمنى انه ما يصير شي عادي!!




بالنسبه للتافه اللي عمل صفحة عالفيس بوك مسمي حاله الله فيها.. مو شي جديد!! ما هي فرعون كان عامل حاله الله و غيره و غيره! بس الموضوع انه عم بتزيد التفاهه عنا و عم نعمل ضجة على موضوع تطنيشه هو حله!


يعني ربنا اعطانا الحل! "وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا" و في نفس السورة في آيه اخرى "وَالَّذِينَ لَا يَشْهَدُونَ الزُّورَ وَإِذَا مَرُّوا بِاللَّغْوِ مَرُّوا كِرَامًا"


في أوضح من هيك؟!! ما ظنيت!
 

6 comments:

  1. والله بتعرف يا صديقي
    يا ريت كل اللي بتفلسفوا زيك !
    كلامك 100% صحيح و مش عارف متى جد بدنا نصحى
    اذا هيك صار و ما ساوينا اشي
    متى حنساوي !

    ReplyDelete
  2. و بالنسبة لشغلة التلهاي (حلوة هاي بتبين انه احنا ولاد لسا صغار)
    يا صديقي لو تلاحظ كل ما اسرائيل بدها تعمل اشي بطلع شغلة بتلهينا
    دايما

    ReplyDelete
  3. صديقي ... صراحة ابدعت بهذه الكلمات

    احنا وين ؟؟؟
    سؤال كتير صعب


    بس ع الاقل عامللنا هيبة .. وحاسبين للعرب حساب

    ReplyDelete
  4. Ahmad M. Al-Mahrouq
    و الله يا صديقي هو هاد السهل الممتنع...
    واضحة أحنا وين و بنفس لوقت مش واضحة!!
    75% منا الله أعلم وين
    20% الباقيين عم بفكروا يلحقوا ال 75
    و 5% مع فلسطين
    حاسبين للأفراد بس يا صديقي أما الحكومات فمختوم عليها بالأحمر و عليها نجمة أسرائيل
    اللي عاملين حسابه أهل فلسطين اللي فالداخل! هم اللي بخوفوا

    ReplyDelete
  5. بالنسبة لموضوع الاقصى فا للأسف متل ما حكيتلك انه بطل فيه رجال وبطلت فيه نخوه .. لا من كبير ولا من صغير ما حدا مهتم كله بيبعبع وبــس ووقت الجد لا حياة لمن تنادي

    وأكيد كل الموضوع تشتيت انتباه مش اكتر هما ما هدموا الاقصى لسواد عيونا هما عم يستنوا بالوقت المناسب و "الغفوه المناسبة" للأسف.

    بالنسبة لموضوع الشخص اللي عامل حالو الله .. فأنا صراحه بعتبره انسان تايهه مش كافر
    لانه نظرا لكلامه هو فاهم هو مثقف بس الناس اللي عم تعلق عالصفحة تاعتو هما الاغبية ..
    عم بيسبوا ويهاجموا ويحكو حكي بيستحي الواحد يقرأه مش بس يحكيه وهاد مش اسلامنا ،عمره النبي صلى الله عليه وسلم ما نشر دينا بقلة الحيا هاي بعمره ما سب كافر ولا حكى على ام واخت فلان لانه كافر
    بالعكس الدين التعامل الاخلاق وحسن الاخلاق انتشر ديننا ، يمكن لو الناس وصلت اسلامنا صح ما كان فهم شخص متل هاد اسلامنا بهل الطريقة واستهزأ منها

    ReplyDelete
  6. Faten Omar
    Yes wallah m3k 7a2 .. 7atta el entefadat elle 3m betseer bet7esseha mesh fel qowah elle lazem tkon feha!!

    ReplyDelete