Monday, June 28, 2010

مجنون؟





طبعا صارلي فترة كل حياتي عبارة عن :

Frames.. Shutters.. Vanities.. Fingerprint System.. CCTV.. Accident And Fines!!
الرابط العجيب بينهم اللي هو أنا!! كيف و ليش ما بعرف!!
و كمان شي انه صارلي فترة كل يوم عم "أتأسفن" يعني أكل اسفين و بالأنجليزي "Fisher" :)
شو القصة مو عارف!!
اللي بعرفه و متأكد منه اني مش بقصر غير بحق حالي!! ما عم ارتاح نهائيا!!..
بس اللي اكتشفته انه الناس ما بتحب "الصح" بتحب انك تغلط زيها!!
كلنا بنغلط!! و اكيد انا بغلط!! بس بحب انفرد بالغلطه اللي بغلطها!! ما تكون زي غلطاتهم!!
الشي اللي ما حدا "كان" يعرفه عني انه شخصيتي انا اللي بتحكم كيف تكون!!
و انا بعطيك شو ما بدك و بكيفي!! و باخد منك شو ما بدي و بكيفي كمان!!..
احيانا بحس حالي لئيم بشكل لا يوصف!! و أحيانا بحس حالي أطيب واحد في الدنيا!!
بحس انه في شي خارج عن نطاقي بتحكم في شخصيتي و عن نطاقكم انتوا كمان!!
هاد الشي هو انا اللي مش انا!! هيك طلع معي بالآخر!!
ما في حدا فيكم اجاه هيك احساس؟!
معقول صارلي 29 سنة مجنون و انا مش عارف!!؟؟!

5 comments:

  1. أحمد...حبيبي لقمة العيش مررررررة بس الحلو فيها انها
    من تعبك

    بالنسبة للصح والغلط ما بظن حدا بشوف حالو غلط بس معايير كل شخص بالنسبة لهالموضوع بتختلف...نصيحتي مع اني اصغر منك تضلك ماشي على الصح تبعك انت

    كمان ما تشكي من الشبكات والحكي هاد...تعال شوفني كيف زي القرد بنط من سطح لسطح عشان امدد هههههههههه

    اخر اشي بعد عمر الخمسين رح نكتشف انو بطلنا مجانين على الاغلب


    محمود

    ReplyDelete
  2. كلنا ما بنحب حد يأمرنا....
    بس "و باخد منك شو ما بدي و بكيفي كمان!!.."
    كيف حالك انت :)
    هاي جد لئمنه ...في ناس بستاهلو نتعامل معهم بلئمنه ما بنكر بس ما نعمم هالشي عالكل

    اللي بتحكي فيه هو الحياة اللي بنعيشها كلنا تقريبا....فهاد مش جنون...هاد العادي لحياتنا :)

    ReplyDelete
  3. محمود
    اشكرك على هالتعليق يا صديقي و اشكرك عالنصيحة و اخوي.. و هالأيام الكبر بالعمر بس:)

    Whisper
    hehehe hay el jomleh belzat ma asadt feha ella akam wa7ad 3enna bel sherkeh.. mawqef jad tla2manet feh m3 wa7ad.. laa darajeh enni 7znt 3leh bsra7a..!!
    bs bestahal!!.. qaharni!!

    ReplyDelete
  4. لازم تصير شرير
    زي ما انا ناوية اصير
    لحق حالك قبل رمضان :)
    هاي ضحكة شريرة بس مو مبينة :)

    ReplyDelete
    Replies
    1. رد بعد سنة و نص تخيلي؟؟
      شو صار معك؟؟ صرتي شريرة ولا لسة؟ هاها

      Delete