Thursday, September 9, 2010

سموك مسحر؟ خلص رمضان



تقبل الله طاعاتكم كل عام و انتم بألف خير و عيد سعيد للجميع:)
ينعاد رمضان عليكم بالخير و الصحة و السلامة.. شهر العبادات و الكفر تشارج و الشحدة!!
مع التفنن بأساليب الشحدة في الأردن بس اسلوب هالشحدة "مغصني"!!
إنه واحد يمتهن مهنة مش مهنته لمجرد الشحدة بس!!
زي.. يرن جرس البيت، تفتح الباب، أنا مسحراتي الحارة!!
كل سنة بسمع صوت طبلته إلا هالسنة، فش مسحراتي عنا بحارتنا!! شكله اعتزل أو ما وفت معه القصة!
المهم إني ما سمعت صوت الطبلة نهائيا!!.. دج خبطت الباب!!
فش شوي ولا برن الجرس!! فتحت الباب!!.. شاب طول بعرض.. لابس برتقالي.. كل عام وانت بخير أنا زبال الحارة!!
شكيت في الموضوع،، ناديت إمي.. ماما تعي إحكيلي اللي عالباب هاد عامل النظافة اللي بحارتنا ولا لأ!!،، إمي حكتلي لأ.. مو هاد هو!! هاد أول مرة بشوفه!! دج خبطت الباب!!
يا جماعة والله إحنا مش هبل!!
بكفي حرمنه!! هاي اسمها سرقة عالمكشوف!! و نصب!!
الله يستر من اللي جاي!!
الله بعين!!

6 comments:

  1. شكله الغربه نستك طبائع الشعب عنا :)
    كل عام وانت بخير

    ReplyDelete
  2. اه يعني شي طبيعي؟
    و انت بألف خير:)

    ReplyDelete
  3. هههه

    ذكرتني بقصه صارت معي من كم سنه
    هاي كنت مره بايته عند بيت جدي واليوم جمعه
    رن الجرس اطلعت مين ولا في ولد صغير بيحكي لي بدي ربع ليره اشتري خبز للبيت
    عطيتو ياهم

    المهم رجع الجمعه اللي بعدها بحكي بخالتي اللي معي بالبيت هيك هيك
    نزلت وبايدها رغيف
    بتحكيلو حبيبي خد الرغيف:)
    اتطلع هيك وما اخدو وصار يفاصل ع الربع دينار
    وخالتي بتحكيلو خد الرغيف ما في فلوس!!
    لف حالو وطلع ومن يومها ما رجع
    بتحكيلي خالتي شفتي؟!!
    كل عام وانت بخير يا احمد:)

    ReplyDelete
  4. و انت بألف خير مياسي:)
    بس انه جد اللوم على مين بالزبط؟؟

    ReplyDelete
  5. جاي الدور على مين يا ترى
    الزبال - مسحراتي بكرا بطلعلك حدا بقلك انا اللي بنضف الدرج

    كل عام و انت بخير

    ReplyDelete
  6. jafra
    أنا خايف يصير اللي في بالي يا جفرا!! الله أعلم يمكن صار بس مع غيري!
    و انت بألف خير:)

    ReplyDelete