Sunday, September 12, 2010

في المطار



الشرطي: ممنوع!!
أنا: شو الممنوع؟
الشرطي: إنك تسافر! الشباب اللي تحت سن الـ40 مسموحلهم يسافر سياحة بس!! و انت من جواز سفرك واضح إنك مقيم في الخارج!
أنا: و شغلي؟!
الشرطي: ما بتابع أخبار إنت؟
أنا: لأ كلها بتسم البدن، ليش أتابعها؟
الشرطي: ولا بتقرأ جرايد؟
أنا: ما حكينالك إنه الأخبار بتسم البدن!! و ما بتابعها و لا بقرأها!
الشرطي: الحكومة أعلنت إنها رح توفر وظائف لكل الشباب!!
أنا: بـ250 دينار؟!
الشرطي: شكلك جد ما بتابع أخبار!!
أنا: ليش عم أمزح معك؟
الشرطي: أقل راتب 1000 دينار و هاد للي ما عنده خبرة!
أنا(مندهش و مزبهل و مش مصدق): معقول؟!!!!
الشرطي: هاد غير إنه متزوج أو عزابي! الحكومة قررت إنها تقدم مساعدات لكل المقبلين عالزواج!! و اللي متزوجين إلهم رواتب غير!
أنا(لسه مندهش و مزبهل و مش مصدق و مصدوم): و اللي عنده خبره؟!
الشرطي: حسب الخبرة, فممنوع!!
أنا: ممنوع ممنوع:)

أحمد؟؟! بعدك نايم؟! يالله إصحى!
طبعا هاد حلم يقظه!!
معقول يصير عنا هيك بالأردن!
أخ بس!!
يا ريت!

6 comments:

  1. يا ريت انا اول وحدة بسلم جوازي او بخفي و بضل هناك
    ما في عرض للمغتربين
    بس تكمل الحلم خبرني

    تحية
    و كل عام و انت بفرح

    ReplyDelete
  2. jafra
    أنا مغترب زيك يا جفرا فالعرض أكيد بشملنا

    و أنت بألف فرح:)

    ReplyDelete
  3. انا حكيت اكيد هاد يا حلم ...يا كاميرا خفيه :)

    لاااا شكلك مكتّر معمول على العيد :)

    كل عام وانت بالف خير

    ReplyDelete
  4. لا وانا صدقت كل هالحكي لحد ما قرات اللي تحت مش غلط الواحد يحلم يلا عيش واحلم :)

    ReplyDelete
  5. هههههههههههه يا ريت يا sozan بس هالشي ما بزبط إلا با........................... أحلام

    ReplyDelete