Tuesday, September 7, 2010

Cover Charge


أولا رمضان كريم و كل عام و كل عيد و انتوا بخير:)
العطلة جميلة جدا!! و الأجمل النوم اللي عم انامه.. طول النهار نايم و طول الليل صاحي!! كافي خيري شري!!
طبعا انا من الناس اللي بستشروا(بصير شرير يعني) و هما صايمين..!! حاولت انه ما استشر!! ما زبطت معي!! اكيد ما بحمل الناس جميلة اني صايم!! و جربت صمت 10 ايام و مسكت حالي قد ما اقدر!! الا ولكن فشلت !! عشان هيك قررت آخذ اجازتي قبل موعدها و اجي اصوم بالأردن!! فبنام طول النهار!! بصحى اصلي و برجع انام !! سواء نمت او ما نمت!! المهم اني عازل حالي عن الناس!!

طبعا بعد الفطور "تدريجيا" برجع للوضع الطبيعي!!
بطلع مع صحابي بقعد في كوفي شوب!! بندفع ضريبة المبيعات و الكفر تشارج و بدل الخدمه و بنرَوِّح!!!
كل شي حلو و بجنن إلا هالكفر تشارج و الضريبه و بدل الخدمة!!
فش مجال يضيفوا الضرايب تاعتهم عالسعر؟!! و يصير السعر اللي عال(menu) هو الي يندفع بس؟!!
طيب ضريبة المبيعات و امنا بالله و بدل الخدمة ماشي!! و الكفر تشارج اللي طالعينلي فيه برمضان لشو بالزبط؟!! انه ليس يعني!؟!؟!
حد علمي انه هالقصص بس موجوده عنا بالأردن!!
الله أعلم!!

12 comments:

  1. من دون ضرايب ما منعيش ... تعودنا عليها

    صارت متل الهوا والمي النا ...

    تحياتي

    ReplyDelete
  2. مزبوط يا أحمد بس انه يضحكوا علينا و يضيفوا الضريبة عالسعر!!

    ReplyDelete
  3. هي موجودة بس بالاردن
    يعني حلوة هاي ضريبة خدمة و الباقي لشو اصلا .؟
    يعني انا جاية على المحل لالاقي خدمة
    ليش ادفع زيادة مش عارفة

    ReplyDelete
  4. هاد النصب عيني عينك بمقاهي الأردن ما بكفي الأسعار الخيالية وبدهم يمصو دم العالم زيادة وطبعا ما حدا بحكي معهم على مبدأ هاي سياحة وتربيح للبلد والله الخوف أخريتها تبطل العالم تيجي على البلد وتبل المقاهي السياحة تبعتها بماي معفنة ويشربوها

    ReplyDelete
  5. كوووووووووووووووووول هالخدمات الإضافية و مستكثر "شوية"
    كفر تشارج

    تسك تسك

    welcome to Jo!

    ReplyDelete
  6. هههههههههههه بتعرف شو
    بقرأ لاخوي اللي كاتبه و قبل ما اوصل لاخر فقرة بحكيلي

    " كلّه ماشي الا هالكفر تشارج...من وين جابوها و اعتقد انه الاردن الوحيد اللي بكون مكتوب عالمينيو 3 دنانير و بتدفع 10 "

    بلالكم هالكوفي شوبات....متخيلة نظرتك اكيد نفس نظرة اخوي بس حكيتله هالجمله :$
    الله بعبين و هي رمضان طار و قرب يخلص :(
    الله يعيده علينا بالخير
    و كل عام وانت بالف خير

    ReplyDelete
  7. Wallah ya jafra el dareebeh el mafrood tkoun modafeh 3l s3r!! t7assesne enne 5arouf 3'sb 3anne lesh? men ay mabda2 mathalan? men mabda2 yala enbeset 3m tedfa3lna badal 5edmeh ya3ne ma beddak jmeeletna wella men mabda2 hadool el shabab elle bejobolak talabatak ma bya5do rawateb?! wella had ba5sheesh ejbare??! wella sho belzabt!! ebsar!!

    ReplyDelete
  8. heye hek el seya7a ya Ahmad Hamdan ?? el seya7a mesh bcafe shop wella bkaset shay aw kaset ahweh btotlobha wasat btejek sada!!
    elseya7a bel activities !! bel mawared belmawaqe3 bel aswaq bel nas bel athaar bel ba7r bel naher bel wa7a bel 3'abeh!! hay esmha 7armaneh 3eene 3enak o bredak o 3'sb 3annak:))

    ReplyDelete
  9. hehehe Haitham هيثم Al-Sheeshany الشيشاني
    ما انا عم افكر اقترح عليهم بدل دخولية كمان!! سواء عجبك المحل أو ما عجبك بدك تدفع عشان حرام بحزنوا ما بياخدوا شي:)

    ReplyDelete
  10. هههه Whisper أكيد نفس النظرة :) سلمي على اخوكي و احكيله بنلف بناف و راجعين:)

    و رمضان كريم و ينعاد عليكي و على عيلتك بالخير و الصحة و السلامة:) و كل عام و انت بألف خير :) كيفك انت و الأزمه اللي في كل عمان؟ طمنيني P:

    ReplyDelete
  11. اهم شي بالموضوع كلو الفار كتير شكلو لزيز صراحه :)بس بنسبه للكفر شارج فاهاد اشي طبيعي بالاردن ههههههههه عادي عشان تستمتعوا اكتر :)

    ReplyDelete
  12. heba
    hehee m2addam el far;)
    yes e7na bnetmata3 o e7na bnedfa3 floos.. coz u know mla2yenhom 3l raseef:)
    ahla o sahla heba nawarte el blog:)

    ReplyDelete