Wednesday, March 2, 2011

مش فاهم!

المنطقة هالأيام.. "مْوَلْعَة!"... ثورات بتونس و مصر و ليبيا و اليمن و سلطنة عمان و البحرين و قطر.. قطر؟؟ و ..... مظاهرات شعبية في الأردن تطالب بالأصلاح و بلطجية تطالب بالفساد!!
طبعا كلنا بنحب الأردن و بدنا مصلحة الأردن.. و كلنا بنحب  الملك... و كلنا جنود " أبو حسين"
(((بس))) الشي اللي جد مش فاهمه.. البلطجية!! مين ما كنتوا تكونوا .. ما ظنيت أنكم بتحبوا مصلحة الأردن أكثر من أي حد تاني!!
بالعكس انا بنظري انتوا اعداء البلد! و أعداء الأصلاح و بدكم البلد خربانة!! لأسباب أهمها في اعتقادي مصالحكم الشخصية!
طبعا!! مصالحكم الشخصية اللي مبنية فوق مصلحة البلد!!!
بلا من التنظير و النفاق!.. كلنا أردنية و كلنا ولاد البلد! و كلنا بنحب الأردن!!

4 comments:

  1. والله ان اجيت للحق يا استاذي الكريم يمكن همه نفسهم مش فاهمين شو اللي بيصير حواليهم يعني ممكن يكونوا جهله اكثر من مصلحجيه :)
    وتقبل مروري

    ReplyDelete
  2. sozan
    فكرك جهله؟
    وجهة نظر
    و نورتي المدونة

    ReplyDelete
  3. الثورات اللي بتصير فاجأتنا بالبدايه و هلأ حسينا انها طبيعيه ... حقوق ولازم تطالب و تتاخد

    اللي صار بالاردن و ان شاء الله يكون اشي حصل وما يتكرر
    اللي عنا مش ثورة ضد الحكم و هاد اللي بدهم يوصلوه اعداء الوطن ...المسيرات اللي صارت تطالب بالتخلص من الفساد لان اللي قامو فيها بحبو الوطن و قائد الوطن و
    بدهم بلدهم تصير احلى واحسن

    Welcome back :)

    ReplyDelete
  4. و أنا كمان بحكي متلك بالزبط يا Whisper بس اللي قصدته أنه ظهورهم أكتر من مرة لهالبلطجية!! أول مرة في مسيرات الجامع الحسيني و تاني مرة في مسيرات الدوار الرابع...
    أنه ناس بتطالب بالتخلص من الفساد و ناس ....

    ReplyDelete