Saturday, March 12, 2011

فرصة؟



بعد رجعتي من دبي... صابني حالة من الإحباط!! ... و  تبعت نفسيا و ضعفت.. .. وأكلت هوا ماديا و أعلنت أفلاسي و اللابتوب خرب و معيش أصلحه و ييييييييي الحمد لله على كل حال.. و كإني لسة متخرج من الجامعة و عم دور على شغل.. بس معي خبرة..!! أقعد من الصبح أطلع أدور على شغل.. أوزع CVـيات.. أرجع عالبيت أفوت على موقع أخطبوط و بيت أدور على شغل .. أبعت CVـيات .. أعصب.. أنرفز.. تنسد نفس عن الأكل.. أدخن.. أتداين.. أسهر .. أنام بكير .. آكل بشراهه.. أتنكد... أضحك.. أصحى متأخر.. أصحى بكير..  أطلع مع صحابي.. بنص الطلعة أروح... أنا مش أنا.. لا أنا أنا.. ولا مين يعني؟! و أستمر الوضع ست شهور!!
بعد ست شهور... 
أجاني  صاحبي حابب يفتح شغل خاص و حابب أنا أستلمه بما انه مش فاضي و بشتغل.. عرضت عليه أفوت شريك.. رفض.. بحب الإستقلالية! فاتفقنا على انه شو ما بيجي ربح للمكتب إلي النص! و ما إلي دخل بالمصاريف..! و توكلنا على الله و فتحنا المكتب!!
و كان أول زبون ببيعه فندق 5 نجوم!! بعد سبوع من الإفتتاح.. و صار زبون دائم هالفندق..  يعني كل فترة و فترة يطلب طلب!! شو بطلب صحيح؟؟ أكيد بطلب أشياء متعلقة في مجال المكتب اللي هو لوازم كومبيوتر.. مش مهم!!
المهم.. بعد شهرين من العمل!! برجع عالمكتب بعد لفة بالشوارع بحثا عن زباين جداد.. بلاقي عالكاشف رقم الفندق انه متصل و انا مش موجود.. بتصل في الشخص اللي دايما بحكي معي.. بحكيلي انه مش هو اللي متصل و انه لو بده أياني كان اتصل فيي عالموبايل!! طب مين؟! تاني يوم نفس الشي.. نفس الرقم عالكاشف و نفس الحوار.. خطر في بالي أنه اللي اتصل هو مدير مشتريات الفندق.. فقرت أجرب احكي معه.. ألو مرحبا استاذ فلان.. أنت اتصلت فيي شي؟؟ أهلا أحمد! أنت وين بتغيب و بتحكي عدولي؟! بدي أزورك في المكتب وين مكتبك؟ أعطيته العنوان و أجا!! و معه مدير مشتريات فندق تاني.. 
و هون بللشت حيرتي!!
بدهم احنا التلاته نفتح مكتب لخدمات الفنادق.. Katering يعني!! و كل شي بلزم الفنادق.. و نكون احنا التلاته شركاء بإدارتي!!
و أنه الزباين مضمونين و في بيعات و الحركة نار ..! و حكي كتير!!
أنهم فاتحين شركة فاتحين .. سواء كنت معهم أو لأ!! بس هم حابين أكون معهم!! لأنه حاسين أنه انا مصدر ثقة!! و صعب هالأيام تلاقي اللي يشعرك انه هو محل ثقة!!
وانه أنا رح أكون شريك و موظف براتب!! و رح  اسافر  عشان "أخلص ديل" مع ناس برة!! و كل شغلنا مع فنادق !!
و حكي كتير!! 
و صاحبي كان موجود و سمع الحكي... و كان تعليقه عالموضوع... يا معي؟؟ يا معهم!! معنا التنين ما بزبط!!
همممممم أعطوني رايكم!!

15 comments:

  1. قبل اي شي صلي الاستخارة .. و ربنا رح ييسرلك الخير شو ما كان ووين ما كان .. و قلبك دليلك .. موفق يارب :)

    ReplyDelete
  2. هديل
    شكرا كتير هديل و نورتي المدونة
    بصراحة أنا قلبي بحكيلي فرصة و ما بتتعوض..
    الله يسرلنا الخير جميعا و منورة:)

    ReplyDelete
  3. زي ما حكت هديل و زي ما حكيتلك عالفيس بوك....صلّي استخاره و توكل على الله

    اطلب من خالتو كمان تصلي استخاره...انا بحب ماما تشاركني بهيك مواقف

    احسبها منيح و لبعيد وشوف مين اضمنلك ومين مستقبله احسن

    و ربنا يكتبلك كل الخير احمد :)

    ReplyDelete
  4. Whisper
    ويسبر يا صديقتي كلنا صللينا استخارة أنا و خالتك و عمو كمان :)
    أبوي متشجع أكتر مني عالموضوع و أمي حكت ما رح تخسر! جرب و الله يوفق ... و النصائح اللي لا بد منها..
    ربنا يكتبلنا الخير أجمعين و الله كريم..
    و شكرا ماي فرند :)

    ReplyDelete
  5. ana b ra2yee ino u have to follow wt ur mind's telling you o ili la masla7tak, your're friend sho mkanat masla7tk akeed ma 7ay3ared,, bs brdo ma bt2dr tetrek ur friend bnos il taree2 .. ya btla2i 7ad ysa3do o ykamle m3a aw btitaf2o 3ala 7al..o nshalla rbna biwaf2k .. o zai ili ablyee 7ako..ma ilk '3air rbna ysa3dk o yal2eelk il 7al..ista5eer o nshalla btin7al..

    ReplyDelete
  6. mmmm first u shld think about it as u put urself in his shoes.. ya3ni 7ot 7alak ma7allo.. if u have such big businees would u have partner that u barely know? everyone knows how capable u r but think twice ahmad so u wont lose both!!

    ReplyDelete
  7. بدي بس أضيف بعد الاستخارة
    سؤالين

    - ما هو أسوأ ما يمكن أن يحدث

    - هل عندي المصادر الكافية للاستمرار لمدة 6 أشهر على الأقل في حال السيناريو الأسوأ أعلاه

    ReplyDelete
  8. anaaaaaa ba2oool 5aleek m3 sa7baak 3shan 7aram tetrekoo hek ,a howwe elly sa3adak bl awal y3ne w2af m3ak ... w btw zamaaaaaaaaaaaaaaaaaaaaaaaaaaaaaan 3nk wenak '3a6es???
    by the way ama rashaaa aw bl 3araby ana noor zorba bs bema eno enta 7abeb rasha fa rashaaaa :PpP
    t.c

    ReplyDelete
  9. Haitham هيثم Al-Sheeshany الشيشاني
    ما أتوقع أنه في شي سيء رح يحدث صارحة.. أسوء ما سيحدث أنه أرجع لفترة الستة أشهر الأولى
    أما بالنسبة للإستمرارية لمدة ستة أشهر فكانت من أسوء 6 شهور مرت في حياتي و ماأظن انه لو انعادت هالفترة أستمر

    ReplyDelete
  10. Rasha - Noor
    eldenya masale7 ya sadeqti.. sa7be law mo shayef enno elo masla7a ma3i kan ma wa2af ma3i.. ma wa2af ma3i b3'arad el mosa3adeh.. masla7a ,,
    Amma ana fa ana mawjood.. ente elle zaman 3annek ya Rasha:P

    ReplyDelete
  11. yaaa howwe hek el mafrood kol wa7af\d yshof masla7to akid bs sunno e7na elk banat lazim el romansyyeh td5ol bl mwdo3 shoy :P

    hehe rasha btsallem 3lek ,, msh zaman 3ne bas salamtak a3deh bade7 bema enhom be2olo enny twjihi :( :P

    ReplyDelete
  12. اخي احمد ..

    ماتستعجلش في اتخاذ أي قرار فكر ثم فكر ثم فكر .. وصلي استخارة .. وقلبك دليلك . راح يشعر بالافضل لك وان شاء الله راح تختاره .. والخيرة فيما يختاره الله
    دمت بكل خير ..

    ReplyDelete
  13. ليس كل ما يلمع ذهباً !
    سؤال بعيد عن الموضوع :
    لماذا توقفت مدونتك الأخرى روايات عربية ؟

    ReplyDelete
  14. Rasha
    allah ywaf2ek ya rab o tejebee mo3addal 3ali:))

    ReplyDelete
  15. وجع البنفسج
    فكرت و فكرت و فكرت و فضلت البقاء مع صديقي و نورتي المدونة و أعتذر عن التأخير في الرد
    Zahra Youssry
    ليس كل ما يلمع ذهبا بالضبط.. و اللي بتعرفه أحسن من اللي ما بتعرفه
    بالنسبة لرويات عربية لم تتوقف سأكمل رواية ذكرة الجسد و من بعدها فوضى الحوس

    ReplyDelete