Tuesday, February 14, 2012

Back Again


مرحبا؟؟ كيفكم؟؟
بعد غياب طويييل قررت ارجع أدون...

ما بدي احكي عن أحداث سوريا و مصر و اليمن و فلسطين و ليبيا و تونس و العراق و لبنان و  السودان و الصومال و الأرددددن و المعلمين و (المش!! متعلمين) و الحرمية و الفساد و ال و ال وال.. كتير أشياء بينحكى عنها بس انا ما بدي.. لأنه شي (بيفرحححح)!!!!
و لأنه الكل صار محلل سياسي و اقتصادي و اجتماعي و فش شي مخبا..

بس بدي احكي عن حالي و عن شو عم بصير معي و بدي بالعربي أفضفض!!!
لأنه بصراحة اكتشفت اني ما بعرف افضفض!! فااا بلكي عرفت أفضفض هون!!

اكتشقت مؤخراً انو بلشت أنسى كتير اشياء تعبت كتير لا حتى تعلمتها.. و اكتشفت اني عم اضيع وقت اذا ضليت بنفس شغلي اللي انا فيه لأني بصراحة مش عم استفيد لا ماديا و معنوينا.. بالعكس عم أخسر وقت!! .. و اكتشفت اني لااازم اتخذ قرار سريع جدا بالنسبة لهاد الوضع.. و أكتشفت اني عم انفصل عن صحابي القدام و اكتشفت اني نسيتهم او هم نسيوني!! و اكتشفت اني ... مش عارف.. نسيت!

على أي حال أكتشفت اني رجعت أدون و سامحوني على سمة البدن!!


11 comments:

  1. الحمد لله على السلامه و ويلكم باك يا صديقي :)


    شعبر...شعبر باللي بدك اياه...الله يخليلنا هالمدونات اللي بتفش قلبنا شوي

    بانتظار اخبارك و ربنا يوفقك و يسرلك الخير يااااااا رب

    ReplyDelete
    Replies
    1. Whisperيا صديقتي يا
      سأشعبر عن كل ما يجول في خاطري بس المهم يجيني الشو بسموه الواحد لما يعرف يشعبر.. لول

      دايما منورة بطلتك و اشكرك:)

      Delete
  2. يااااااااا أهلا ً و سهلاً :)

    دون يا سيدي و فضفض .. ما عليك :)

    ReplyDelete
    Replies
    1. صديقي Haitham هيثم Al-Sheeshany الشيشاني

      أشكرك على طلتك الجميلة دائما و على دعمك المعنوي و بس بلزم نصيحتك :)

      و زماااان عنك والله و لازم ارجع اطل على مدونتك
      و نعتذر عن الإنقطاع عنها

      Delete
  3. فضفض متل ما بدك
    نحنا هون كلنا بنفش خلق باغلب الاحيان
    و بالنسبة للامور اللي حكيتها
    الكل عم بصير معو هيك
    بس الاهم
    ايمتى بنتحرك صح

    ReplyDelete
    Replies
    1. لبنــــــــــى

      زمان عنك و عن مدونتك و ان شاء الله بزرها اليوم لنعرف ماذا يجول في خاطرك؟ كيفني بالفصحى؟؟ هههههه

      مزبوط كلامك الأهم انه الواحد يعر امتى يتحرك:)

      Delete
  4. هلا و مرحب
    :)

    و أعطيها "فصحى" ليش لأ ;)

    ReplyDelete
  5. ألوووووووووووووووووووووووووووووووووووووو

    ReplyDelete
    Replies
    1. ألوووووووووووووووووووو :)

      Delete
    2. فكنا من الفيس بوك

      و ارجع هوووووووون

      :)))

      title = back again
      hint hint ;)

      Delete
    3. Haitham Jafar
      شكراً عالHint :)
      و اعتبرني رجعت من هاللحظة هووووووون يا صديقي :)

      Delete