Sunday, August 26, 2012

حادث سير !!


ليلة العيد عملت حادث سير جدا بسيط! الأضرار بالنسبة إلي لا يوجد! و بالنسبة للشخص الأخر حسب ما ورد في "الكروكرة" 6 خدوش!
بس المشكلة إنه الحق علي! انا لمست سيارته من الخلف!! و المشكلة الأكبر انه التأمين و الترخيص خالصين بنفس اليوم!!
و المشكلة الأعظم انه الشخص اللي لمست سيارته شكله من أصحاب النفوس المريضة و منتهزي الفرص!
تحولنا محكمة عشان التأمين خالص و عشان هو ادعى اني مخربله الصندوق الخلفي! فتح و بطل يسكر!! و انه سيارته بدها "سحب بودي"!! و بده 100 دينار تصليح و للعلم نوع سيارته "كيا سيفيا 1995".

المهم الخميس اللي بعد العيد كان موعد المحكمة.. وصلت المحكمة و قعدت في النظارة من الساعة 10:00 صباحا للـ 1:00 بعد الظهر و انا انتظر في دوري!! و خلال هالقعدة عينك ما تشوف الا الوساطات!! اللي قهرني الوساطات!!

اذا الواسطة في أمن و امان البلد!! اللي هو الشي الوحيد اللي مو لازم يكون في وساطة!! اذا الك وساطة اقلها ما بتفوت عالنظارة لو شو ما كنت عامل! أما المسكين اللي ما اله واسطة عادي كله حادث سير أبسط من البسيط!!

المهم برضه عند القاضي الرجل تنح و رفع قضية حق خاص!

الله بعين الأمة على ما ابتلاها!!



6 comments:

  1. المهم سلامتك
    بالنسبة لموضوع النفوس المريضة سالت شخص من كم يوم ليش ما صلح سيارتو و دهنها من شخطات سببها انو رجع على سور البناية
    الرد كان صاجم بالنسبة الي
    " لما يجي ابن الحلال و يخبطها خبطة بسيطة بنلبسوا هو او التامين كل التصليحات مرة وحدة "
    :(
    هاي مش شطارة هاي اسمها خيانة امانة - كذب - نصب - احتيال
    و اكتر من هيك كمان

    ReplyDelete
    Replies
    1. لبنــــــــــى
      المشكلة القانون بحمي هيك أشكال يا لبنى خاصة لما تصير المشكلة زي مشكلتي! القاضي بنصحك بأنهاء المشكلة بالإتفاق يعني انك ترضى بطلبات الشخص الآخر لأنه رح تدفع الفرق محاكم و رسوم!!
      فهم تحت حماية مبطنة للقانون!

      Delete
  2. كل عام و انت بالف خير و الحمد لله على سلامتكم انت و السياره

    للاسف هالنفوس المريضه و الانتهازيه موجوده بكل مكان و اللي بشجعها و بشد على ايدها برضه موجودين

    المشكله ممكن يكون هالشخص صاحب دين و اخلاق من وجهة نظره بس "الشطاره" حسب ما بسمي افعاله المشينه ما الها دخل بالدين

    ReplyDelete
    Replies
    1. Whisper
      و انت بألف خير يا رب
      مزبوط كلامك بس هاي اسمها حرمنة يا يا ويسبر اللي بتجرأ يتبلى عالناس بهيك شي حرامي

      Delete
  3. سلامات يا أحمد

    كثيرين بفكروا هالممارسات شطارة و فهلوة بس صدقني ربنا ما بضيع حق

    المظلوم له دعوة لا ترد، إن شاء طلبها أو ادخرها لوقت الآخرة


    سلامتك و ربنا يعوض عليك بالخير

    ReplyDelete